NOGAY TÜRKLERİ BÜLTENİ
ANASAYFA DERNEĞİMİZ AVULLAR RESİMLER ANKETLER Z. DEFTERİ NOGAYTÜRKLERİ BÜLTENİ YARDIMLAŞMA_FONU
deneme deneme deneme

NOGAYSAAT

EN ÇOK OKUNANLAR

HABER ARA


Gelişmiş Arama
Bır Cılbaşı Keşesı

Bır Cılbaşı Keşesı

Tarih 23 Mayıs 2005 Editör Necdet ÖZEN

Bır Cılbaşı Keşesı

Eskişer Lisesimen, köyümüzdün otobosundun turgan Aydoğdu garajı cayav 15 dakka edi. O kün mektep darkalganıman cuvuruklap otoboska zor cettik. Cetismiy keş kalsak cıl basın köyde geşiramayık edik. Mendiy etken canı cetme birkaş kırcıman mektep talebeside bar edi. Mıstapa abiyimdin bu otobosuman o zaman nahiye bolgan Alpu’ga gadar kettik. Köyümüzdün colu toprak bolgan üşün kıştın künlerinde ava suvuk bolup cerler don yasap toprak katısa gene köyge otobosman keteredik. Cerde biraz kar bolsa da ava cıllı bolgan üşün col cımsaganga otobostu taslap, 7 kilometrelik köy colun cayav cürüp köyge bardık. Küneş canı batıp kas karamadan köydeki emsallerimizmen tabıstık. Köyümüzde o vakıtlar bir kave bar edi, köydün akayları cılbaşı keşelerinde kavede bolgan üşün babalarımızdın kasına kavege de ketamaytagan edik. Biı üyde cıyılsıp, annelerimizge müsür patlattırıp elva yasattık, peşte kestane kabağı pisirttik. Bizden üyken kızlar da bir üyge cıyılskanlar, dayre şalıp dürkü aytıp, bir de peşmane (pişmaniye denen tatlı yiyecek) basıp ciyik boldular. Biz bunu esittik, barıp un, şeker, may alayık bizge de yasanız desek de sizinkimen barabar köp bolur yasamaymız dep sıltav ettiler. İşimizden aklı evvel birevsi de; biz özümüz yasayık dedi. Peşmene yasalması kolay tuvul, kızlar zor yasaydılar desek de tınlamadı. Aldında üydün ayatında ocaktı cağıp şekremen suvdu kosup kaynattık. Ondan sora da suvusun dep tısyaka tasladık. Ava da bek suvuk, ay carık edi. Aydın şavkı kardın üstüne vurgan, eryak cıltırapyatır. Kızlarga barıp şekerdi suvman kaynatkanımızdı suvusun dep tısyaka taslaganımızdı ama bundan son kaytıp yasaygımızdı bilmegen üşün bizge üyretiniz desek de şalıp oynayatkanda bizmen seleke etip külüstüler. Onlardın oyunlarıman aldandık, keş kalganmız üyge ketip karasak suvukta şekerli suv katıp, akide şekerindiy bolgan. Gene alıp aketip kızlarga körsettik, bizge külüp bu endi bolmaz dediler. O zaman yasayık peşmanenizden bizge de beriniz dedik, erisip bermiymiz dediler. Kaytıp üyge keldik ama bu bizdi ösestirdi. Kızlarddın bolgan üylerine casırınıp canastık. Onlardın azakay suvusun dep tısyaka taslagan şekerli bılama kıvamında peşmane suvların alıp gene onlardın üyündün ayatına casırdık. Köp karadılar ama şekerli suvların tabamadılar. Zaten biraz sora onlardın şekerleri de katıp bizimkindiy bolup kaldı. Tabıp aketip berdik ama bolmadı. Bizge köp şeker akeliniz, unman mayınızdıda akeliniz kosup barabar peşmane basarmız dediler. Biz de olardın aytkanınday ettik. Külüp oynadık ama üylerimizge kaytkanda erte ezanı okunuyatır edi.
 
Bu anlattığım olay 1950'li yılların bir yılbaşı gecesinde geçmiştir. O zamanlar köyde televizyon, radyo yoktu. İçkili eğlence zaten olmazdı ama yine de bir pişmaniye tatlısının yapımı bile bize neşeli vakitler geçirten hatıralardan biri olarak kaldı.
Nice yeni yıllara sağlıkla erişmeniz dileğiyle, sav bolup savlukman kalınız.

Bu haber 1101 defa okunmuştur.

Delicious  Facebook  FriendFeed  Twitter  Google  StubmleUpon  Digg  Netvibes  Reddit

Avelde...

Kıdırlez

Kıdırlez Kıdırlez

Taptavış Ustaları

Taptavış Ustaları Taptavış Ustaları

KÖŞE YAZILARI

Nogay Halkım Tileymen.08 Mayıs 2014


RSS Kaynağı | Yazar Girişi | Yazarlık Başvurusu

Altyapı: MyDesign Haber Sistemi