NOGAY TÜRKLERİ BÜLTENİ
ANASAYFA DERNEĞİMİZ AVULLAR RESİMLER ANKETLER Z. DEFTERİ NOGAYTÜRKLERİ BÜLTENİ YARDIMLAŞMA_FONU
deneme deneme deneme

NOGAYSAAT

EN ÇOK OKUNANLAR

HABER ARA


Gelişmiş Arama
Kayın Balalardın Cemısı

Kayın Balalardın Cemısı

Tarih 23 Mayıs 2005 Editör Necdet ÖZEN

Kayın Balalardın Cemısı

Köyümde yasalmay coytulup ketken toylarman barabar bek köp adetlerimizde cok boldu. Bilgeninizdiy toylarımız dört kün yasalır, Perşembe künü baslap, Pazar künü kiyev kapalgan son piter edi. Menim mutmay esimde kalgan gadarı, kız üyüne kiyev betten eki kişkene baladın, yene kız yaktan ciberilgen kenarları oyaman işlevli greplerdi torbaday etip işine kavemen şeker tolturup aketmelerimen baslar. Buga da *kave şeker aketme* denilir. Kave şeker aketilgen son, üyleniyiyk kelin kızdın tuvganları bolgan kızlarman misapir kelgen kızlar, bir de köydün kızları dürkü aytıp, oynap, kelin kızdı atasındın üyünden şıgarırlar. Bu şıgarılgan üyde kelin bolayık kız, köydün kızlarıman toy pitkenşek kalır. Bu üygede *kız kaşkan üy* dep aytarlar.
 
Köyümde üyler genelde kapısından kirilgenbir *ayat*man eki cağında *üşküy* denilgen birer oda bolur. Bu kız kaşikan üydün bir üşküyümen ayatındakı tösevlerdi köterirler cerler takışak kalır, anavbir üşküyde tösevli taslanır. Tösevleri köterilgen üşküymen ayat'ka takta sıralar salınıp, kızlar onlarda oturup dürkü şın aytıp, şalıp oynarlar, anavbir üşküyde de catarlar. Kiyev bolayık cas da mınday etip özündün cuvuklarındın birevindin üyünbe şıgar, o da toy pitkenşek özlerindin üyüne ketmez edi.
 
Keşeleri kızlarman caslar şın aytısıp bu kız şıkkan üyde bolur ediler. Bu üyge kelgen caslardan kiyevdin kardaşı, yok bolsa en yakın cuvuğu caslar veya canı cetme balalardın baslarından şapkaların, yok bolsa üstündeki bir kiyiyiklerin kızlar tuyguzmay alıp casırırlar. Onlardan cemis, lokum, elva day ciyik şiyler akelmiy alganların bermez ediler. Menim de basımdan mınday birşiy geşti. Esime tüstü de sizge aytayım dedim.
 
Şerde bolgan orta mektepke o cıl baslagan edim. Menimen akrak alamdın uluda o cıl orta mektepke basladı. Onun dayısındın, menim de babamdın amcasındın ulundun toyu bolga üşün Cuma kününden köyge keldik. Canı cetmege baslagan üşün akranımız kızlarda bardır dep, kız kaşkan üyge kettik. Ekevmiz de kayın sayılgan üşün bu kızlar bizge birşiy yasar dedik ama balalık işte. O vakıtlar lise, orta mektep talebeleri kenarı sarı şeritli şapka kiyer ediler, biz de kızlarga piyaka bolsun dep şapkalardı şıgarmay bardık. Ava biraz aruv bolgan üşün kız şıkkan üydün aldındakı azbarga löküslerdi cagıp taktalatdı tösegenler, dayre dümbelek şalıp dürkü aytıp oynapyatırlar. Karangı bir köşege tartılıp kızlarga karapyatkanda basımızdakı şapkalardı eki üyken kızdın kaytip alganın abaylamay kaldık. Adet bolgan üşün ketip dükkandan cemis alıp akelip kızlarga berdik ama, cemisti azakay dep almadılar. Balaban bir kese kağıtı berip, bunu cemismen tolturp akelmiy şapkalarınızdı bermiymiz dediler. Kese kağıtı balaban, bizde de onu tolturayık para yok. Özümüzdün toy üyüne barıp, cuvugumuz bolgan üyken bikelerden cemis tiledik. Bir şapkanızga sayip bolamadınız dep bizmen seleke ettiler. Biz de cerden biraz terek şöbü cıydık, biraz da toprakman düven tobanın karıstırıp kese kattın işine tolturduk. Üstüne de dükkandan algan iyde, leblebi, kuru yüzüm, kuru ıncırday cemisti bir karıs etip tösedik, akettip şapkalardı algan üyken kızlarga berdik. Keşe karangı bolgan üşün kese kattın işindekindin tutasın cemis bellediler. Apperim caslarga dep alıp şapkalarımızdı berdiler. Şapkalardı alganıman üyerden kaştık, toy pitkenşekte kız kaşkan üyge ketmedik.
 
Düğünleri olan akrabam ve yengem bu gün hala hayattalar, Allah uzun ömür versin. Her ikisi de yaşlandılar ve hacca gittiler. Beni her gördükçe hacı yengem bu olayı gülerek anlatır.
Geleneklerimizden birini de Nogay Türkçesi ile mümkün olabildiğince anlatmaya çalıştım. Künleriniz aman, korantanız sav bolsun.
Siz de sav bolup savlukman kalınız.

Bu haber 1136 defa okunmuştur.

Delicious  Facebook  FriendFeed  Twitter  Google  StubmleUpon  Digg  Netvibes  Reddit

Geleneklerimiz

Sakınma Geleneği

Sakınma Geleneği Sakınma Geleneği

Kiyev Kapama

Kiyev Kapama Kiyev Kapama

KÖŞE YAZILARI

Nogay Halkım Tileymen.08 Mayıs 2014


RSS Kaynağı | Yazar Girişi | Yazarlık Başvurusu

Altyapı: MyDesign Haber Sistemi