NOGAY TÜRKLERİ BÜLTENİ
ANASAYFA DERNEĞİMİZ AVULLAR RESİMLER ANKETLER Z. DEFTERİ NOGAYTÜRKLERİ BÜLTENİ YARDIMLAŞMA_FONU
deneme deneme deneme

NOGAYSAAT

EN ÇOK OKUNANLAR

HABER ARA


Gelişmiş Arama
Dıgay

Dıgay

Tarih 16 Ağustos 2010, 02:02 Editör Necdet ÖZEN

Dıgay

 
Kas kararıp keşe bolmaga cuvuk bolsada akşam ötmeğindin sıprası köterilmiy ortada turu edi. Börsöyün tördeki şiltege cantayıp catkan sandıraklapyatır edi. Onu körgen üyken kızı anasına aylanıp:
 
-Avalar cılınganga bolayık Kencebatır kündüz vaktı oynalgan oyunlardı keşede pitirmiy keliyiktuvul, atam kırdan arıp keldi karasan uyklayık boladı. Sıpra da ortalıkta onu bekliymiz, kelse kelir kelmese de özümüz oturup cesek bolmaz mı dep sıbırdap ayttı. Ekevi Börsöyündün yukusun bölmiy sıbırdasıpyatkanda ötmeklerin ertenden cep kıdırmaga şıkkan Şeyde bikedin
 
-Üydesinizmi dep bakırıp azbardın kişkene kapısından kirip kelgenin kördüler. Ceteğinde kişkene torunu Akbuvraman askanaga kirdi, ortada sıpradın turganın körüp askanadın tögeregine karadı üy kaklından Canay’dın bolmaganın körüp:
 
-Akşam ötmeğinizdi cemiy Canay’dı beklepkoyusunuz. Biz ötmek cep mına torunumman keşe kıdırıvuna şıktık. Sizin bu balanız sokaktan cıyılmaydı, Onu beklemiy ötmeğinizdi ceseniz ya bir de özü sizge şikar şiy eken dedi. Onun sesine sandıraklagan Börsöyün de yukudan yanıp sıprga calpayıp oturdu. Üş kızıman Akzade cılısıp sıpraga oturyatkanda Akzade:
 
-Kelsene totam, Akbuvra da kelip cılıssın dep özleri sıpraga tögereklesip oturdular. Biz cedik sizge bereketli bolsun dedi Şeyde bike. Onlar ötmeklerin ciyatkanda köp keşikmiy Canay terlep pısnap keldi. Üydün aldındakı kumandı alıp betin kolun cuvup kelip sıpraga oturdu.
 
-Kayda kaldın a balam, Avuldun kalkı ötmeğin cep boldu, Bılay etip keşikmezedin dedi anası:
 
-Kaskararmayburun Dıgay oynayık bolduk, Ersakay’dın ulu Canmambet erisip illa meni tabamanda Dıgay diyim dep oyundu uzattı, biz de bu kün keşkaldık. Sade men tuvul avuldakı menimen oynagan balalarda keş kaldılar. Özü bizden azakay üyken ya bizdi korkutup oynataberdi. Atası onu karap şıkmasa taga da oynayık dep erisiyik edi dedi. Ötmeklerin cep bolganson sıpra köterildi. Börsöyün men endigi arıdım dep Şeyde bikege kayırlı keşeler tilep anavbir üyge ketip cattı. Şeyde bikemen Akzade aralarında aytısıp biraz taga oturdular.
 
-Menmim torunum Akbuvra’ga da Dıgay oynatsana, bek cuvuramaydı dep onu aranızga kosmaysınız, men sizge öpkeliymen dep Kencebatırga söylendi Şeyde totay.
 
-Cuvuramasa cuvuramasın, yarın men onu bizim aramızga kosar oynatırman Şeyde ayyem, sen mıgayma dedi Canay. Nenesindin tizine basın salıp aytılganlardı tınlagan Akbuvra süyünüp kelip Canay’dın kasına oturdu. Biraz taga oturganson Şeyde bike torunun alıp üyüne kayttı.
 
-Akbuvra’dın özü maraz, kökregi avuruydu eken, biraz cuvursa tıkanıp beti morarıp, toktaydı diydiler, kaytip oynayıksınız onuman balam dedi Akzade:
 
-Menim inim ebin tabıp onu da oyunga aketir dedi Seriye.
 
-Tatamdın aytkanı tuvra men onu aketip arıv etip casırırman, kaydan tabayıklar yarın olardın üyünden alırman endiği catayım dep üyge ketti. Ertengi kün ekindiden son Akbuvra alardın üylerine barıp onun özün beklepyatkanın kördü. Onun anası Selime bike:
 
-Bek köp cuvurtma menim balamdı, özündün adanaslarındın arasına alda aruv etip casır, oyundan sorda akelip taslarsın balam dep ekevin kosup üydün azbarından şıgarıp ciberdi. Balasındın artından karapturdu bir vakıt. Menim balam da akranlarınday oyunlar oynarmeken dep tüsündü özözüne. Cılamsıraganday boldu, közleri torlandı. Sora üyüne kirdi. Eki bala köydün orta şeşmesindin kasına kettiler, Akbalayman birkaş bala taga keldi.
 
-Bizikiler cıyıldı mı dedi Canay
 
-Cıyıldık, Canmambet de özündün adanasların cıyıp kelgen bizdi beklepyatır Camidin tömen betinde kördüm olardı mına kalavdın artından bakırayım dep kalavga taman cuvurup;
 
-Canay da keldi biz tamam bolduk aydı keliniz degenimen Canmambetmen barabar onun akranı üşdört bala cuvuruklap keldi. Canmambet te Akbuvra’dı kösterip:
 
-Bu kimden bolayık dedi.
 
-Bizden bolayık dedi Canay. Onun cuvuramaganın marazlı bolganın bilgenge işinden süyünüp;
 
-Aruv olay bolsa, aldında siz casırınınız, biz sizdi tabayık dedi. Canay da bolsun dedi. Ballar cuvuruklap darkalıp casırındılar ama Canay; Akbuvra’dı canına kosup Şabiy akaydın kalavındın kuvuzundan aylanganınman onun kalavındın cıgık cerinden azbarına kirip, kalavdın tübünde cerge cuvuk kalavga süykelgen takta basamaktı alıp Akbuvra’dı aranman samanlıktın arasındakı biraz alşarak bolgan töbege şıgarıp, suvluktun astına casırıp, özü tüsüp basamaktı gene kalavdın tübüne süykep tasladı.
 
-Men kelmiy sakın şıkma dedi. Sora da sokakta kuvuzga kelip olardı közlepyatkan Canmambet’ke körünüp DIGAY dep bakırıp kaştı. Canmambetmen barabar bolgan balalardan Siytakay:
 
-Amma da özüne güvenesin, aldında olar ebe bolgayyedi, ya da ervakıt yasaganımızday tayak sıprtıp ayakman ölşep kimdin ebe bolganın olay etip belgilegeyyedik dedi.
 
-Olardın tutası kaşıp casırınsa da Akbuvra kaytip kaşayık, onu tabavıyarmız dep küldü Canmambet. Sora da köydün işine darkalıp casırıngan balalardı karamaga basladılar. Canayman adanasların cuvuruklap taptılar ama Akbuvra’dı bir kırlı tabamadılar. Köydün tısyagındakı toban tayalarına bile karasalar tabamadılar. Kas karardı Canay alardın bir kisisi tabılmaganga o kün gene onlar cengen boldular. Oyundu endigi taslayık dediler. Canay da olarga aylanıp:
 
-Siz tutasınız üyünüzge kaytınız, Yarın gene oynarmız dedi. Balalar kaytkanson takta basamakka tırmasıp töbege şıgıp Akbuvraman barabar cerge tüstüler.
 
-Töbede catkan cerimde akranlarımdın sizdi tabaman dep cuvuruklaganın, sizin de casırınganınızdı körüp küle küle oturdum savbol Canay ama men de sizdiy cuvurup casırınsam, casırınganlardı yene cuvuruklap tabpsam diymen dep ekevi anlatıp Akbuvra alardın üyüne bardılar. Selime bike balasındın akranlarına kosulup oyun oynaganın körüp küyezlendi.
 
-Arman köterilip biydaylar satılganson balaban şerge ketip Akbuvra’dı amelyat ettiriyikmiz, doktorlar olay dep ayttılar. Gene kel balam ameliyat bolganson da kelirsin, Dıgay oynarsınız dedi. Canay üylerine kayttı. Ertengi künlerde de dıgay oynadılar. Arman köterilgenson Akbuvra’dı balaban şerge astanege akettiler. Amelyat bolmaga kiryatkanda basındın uşunda ak köylekli doktorlargakarap:
 
-Men, amelyattan sora cuvurup DIGAY oynayıkman mı dedi. Doktorlar oyundun atın bilmegenge birbirevlerindin betlerine karadılar. İşlerinden birevi Nogay eken:
 
-Bu kış geşkenson avalar cılınganda akranlarınman barabar Dıgay oynarsın, sen de cuvurup cürürsün ama atana aytta meni de oyunga şakırsın, men de balalığımda köyümde oynagan oyunlarımdı körüp kuvanayım dedi. Akbuvra catkan cerinden közlerin oga tigip külümsiredi. 06.08.2010
 
Çocukluğumuzda köyümüzde oynan çocuk oyunlarından DIGAY’ı aklımda kaldığınca Canay’ımızı esas alarak anlatmaya çalıştım. Yazdığım bu yedinci oyunumuzdan sonra MOŞ ve ATLANŞIK ATLANKONAK oyunlarını da yazıp Nogay çocuk oyunlarımızdan dokuz adedini birer hikaye şeklinde tamamlamış olacağız. Sav bolup savlukman kalınız.
 
Necdet ÖZEN Aktepe (Rıpkıye) Alpu - ESKİŞEHİR
 

Bu haber 1055 defa okunmuştur.

Delicious  Facebook  FriendFeed  Twitter  Google  StubmleUpon  Digg  Netvibes  Reddit

Ertengıler

Bavursak

Bavursak Bavursak

Toy Sogum

Toy Sogum Toy Sogum

KÖŞE YAZILARI

Nogay Halkım Tileymen.08 Mayıs 2014


RSS Kaynağı | Yazar Girişi | Yazarlık Başvurusu

Altyapı: MyDesign Haber Sistemi